Bildung

Liedtext Jugendfestlied

Wie en Funkefluug, eine wo mer nöd cha gseh!
Oder isch’s en Zug, ganz en schnälle TGV?
Öppis i de Luft, löst es Chribble us

En früsche feine Duft, macht mich ganz konfus!
Was mag ächt das nur sii?
Da fallt mer de Grund für all’ das ändlich ii:

Refrain:

S’gaht nümme lang, dänn isch de Sommer da und mer händ z’Bade Jugendfäscht!

Mich hebt niemer me dehei,
 alli sind jetzt uf de Bei
und mir gönd vill, vill z’schpat is Näscht!

De Alltagsblues, dä isch ganz schnäll verbii,
dänn alli wüssed ganz genau,
 
dass z’Bade Frau und Ma und Chind
im Fäschte Wältmeischter sind.

Mach dich uf d’Socke und chumm au!

S’Fäscht isch voll im Gang und ich fühle mich famos:

Spiil und Spass und Gsang, überall isch öppis los!
Niemert isch elei, all’ sind uf de Gass!
Öb’s Wätter troche isch oder pudelnass:
Ich gibe mich voll dri!

Und ich singe z’fride lislig vor mich hi:

Refrain

Nach zwei tolle Täg isch öises Jugendfäscht verbii. ’bi nümm so top zwäg: «Muess das würkli jetzt scho sii?»

Aber i zwei Jahr, sind mir wieder dra, dänn schtönd die meischte vo öis pünktlich da!
Au ich wird wieder cho!

Los! Vo wiit här us de Zuekunft ghört mer scho: 

Refrain

T +M: ga, Melodie des Refrains in Anlehnung an den in der Klezmermusik beliebten «Odessa Bulgar» 

Jugendfestlied zum Herunterladen